Kozri ak jèn - 18 Fevrye 2024
Atik sou aktivite Kozri ak jèn ki te fèt dimanch 18 fevrye 2024
Lavi jèn kap viv ayiti yo, sitou sa ki nan zòn defavorize yo ap pi difisil malgre sa anpil nan yo tout ap kreye mwayen pou sivi e pote tet yo kòm volontè nan pote chanjman pou kominote a . Dimanch 18 fevriye 2024 komite konsiltatif jèn (CCJ) te fè Yon kozri AK jèn yo sou tèm <<Tèt ansanm>> nan site solèy nan lokal Lekòl Sent alfons AK jèn gason e fanm ki te sòti nan diferan katye.
Aktivite sila te fèt ak 20 patisipan kote te gen 8 jèn fanm ak 12 jèn gason ladanl kite sòti nan plizyè lòt katye nan site a, nou te komanse 9ham nan maten avèk anpil difikilte, malgre te gen anpil tire nan moman aktivite a men jèn yo pat vle pou aktivite a kanpe donk nou te oblije chanje espas pou nou te ka kontinye. AKtivite Sila pèmèt ke jèn yo te gen chans pou pale sou pwoblem yap afwonte katye ladan yo, yo te site kek pwoblem tankou pwoblem wout, pwoblem grangou, pwoblem santé, inondasyon, Konfli gang AK gang, pwoblem Vyolans kap fét sou moun (fi kòm gason) san nou pap site lot, pou rive aten solisyon nou men sa jèn yo te pwopoze :
Chache Yon antant pou gen lapè antre 2 gwoup sa yo kap tire yo
Mete plis Lopital ou klinik kominotè nan zòn lan pou ede kominote a goumen AK maladi
Trete dlo yo nou ap sèvo yo e kreye espas dlo Trete kominotè pou popilasyon an kapab jwenn
Fè plis AKtivite sosyal AK jèn yo tankou Kozri, fòmasyon sou kèk tematik enpòtan ke moun kominote a pou yo gen plis konesans sou yo e pou yo évite kèk dezas répète tankou vyolans AK Konfli.
Ke leta pran responsabilite pou netwaye rigol AK kanal yo pou évite Inondasyon
Kreye plis opòtinite ONG AK LETA pou jèn nan fè AKtivite sosyal AK yo e ede yo nan etid AK vant yo konsa nou ap redwi nan nivo jèn AK timoun li vin nan manyen zam yo.
Komite konsiltatif jèn (CCJ) te fè AKtivite sa nan sousi pou jèn yo pran konsyans sou pwoblem yap afwonte nan kominote a, angaje yo nan travay sosyal pou kominote a epi aprann analize pwoblem yo pou konnen ki pi bon mwayen ke nou kapab pase pou jwenn yon solisyon pou pwoblem sa yo.
Comite Consultatif Jeunes Duval Dormeus
